Chilled..Seductive..Lonely..

Ek sihran si rom rom mein,
Dhadkan yu bhaagti,
Jaise ki thamna jaanti na ho,

saanson mein dhuaan,

maddham maddham,

aankho mein nasha,

behka behka,

bheege se khwab,

palkon mein chup chaap,

ek toofaan sa,

ik aandhi si,

madhosh kar dene waala,

behti hawaa ka shor,

aah bharti hui main,

is thand ke mausam mein,

kuchh aur tanha ho jaati hoon....

Small Joys of Life....

-i was thinking of writing down a lot of sadness to cheer me up (bhadaas nikaal du - types) but naaaaaaaaaa.. then i realised is-se acchha to ye hoga ki un sab palon ko yaad karoon jin-se hamesha mere chehre pe muskaan aa jaati hai...

- ek nanhi si muskaan, kisi maasoom ki..

- wo pal jab aisa lagta ki bade parde mera favorite hero sirf mere liye wo romantic gaana ga rahaa hai..

- krishna/sudesh/kapil/bhaarti ki comedy..

- jab office ja rahi hu aur baarish ki pehli boond seedha mere haath pe aa ke gire.aur fir kuchh hi palon mein saari zameen us saundhi saundhi khushboo se bhar uthe..

- jab main songs shuffle karti hoon aur wo gaana bajne lage jo mere current mood se ekdum match karta ho..

- jab kbc chal raha ho, aur contestant se poochha question mujhe aata ho..

- jab main tweet karoon aur mera favorite tweeter mere tweet ko retweet kare..

- jab meri jeans ki fitting thodi loose ho jaaye (well, this one is a dream but 'working-out' on it)

- jiska call expect kar rahi hu, uska phone khud aa jaaye..

- jab papa poochhte hain ki 'haan €€(my name), kaisi ho?'

- jab tv koi puraana romantic gaana aa raha ho aur wo gaana papa, mummy ki taraf dekh k zor zor se gaane lagein...

- jab main kavita likhoon aur fir padhu aur khud hi waah waah kar uthoon..

- jab neend se jaagoon aur ye pata chale ki 'paanch minute' aur so sakti hoon..

aur aisi hi dher saari khushiyaan...